swagat01સરકારી જમીન પર બનાવેલા મકાનમાં દારૂનું વેચાણ કરતો હતો
શહેરના નરોડા મુઠીયા ગામ પાસે લિસ્ટેડ બુટલેગર જયેશ ઉર્ફે જીગો સોલંકીએ બાંધેલા ગેરકાયદેસર મકાનને બુધવારે અમદાવાદ મ્યુનિસિપલ કોર્પોરેશનની ટીમે ચુસ્ત પોલીસ બંદોબસ્ત વચ્ચે તોડી પાડયુ હતુ. બે માળનું મકાન સરકારી જમીન ઉપર બનાવીને દારૂ વેચવાની પ્રવૃતિ કરનારા બુટલેગરની સામે કાર્યવાહી કરવામા આવતા સ્થાનિક લોકો ટોળે વળ્યા હતા.
સૂત્રોમાંથી મળતી માહિતી અનુસાર નરોડા મુઠીયા ગામ નજીક અગાઉ દારૂ અને પોલીસ ઉપર હુમલો કરવા જેવા ગંભીર ગુનામાં સંડોવાયેલા બુટલેગર જયેશ ઉર્ફે જીગો સોલંકીએ બે માળનુ મકાન સરકારી જમીન ઉપર બનાવી દીધુ હોવાની માહિતી મળતા આ મામલે મ્યુનિ.ની ટીમે તપાસ કરતા તથ્ય જણાતા તેનુ મકાન તોડી પાડવાની કાર્યવાહી બુધવારે એસ્ટેટ વિભાગના અધિકારીઓની હાજરીમાં શરૂ કરવામા આવ્યુ હતુ. જયેશ જયેશ ઉર્ફે જીગો સોલંકી બુટલેગર હોઈ કાર્યવાહી કરતી વખતે કાયદો અને વ્યવ્સથાની સ્થિતિ બગડે નહી તે માટે સ્થાનિક નરોડા પોલીસ ઉપરાંત વધારાની પોલીસફોર્સને પણ સ્થળ પર હાજર રાખવામાં આવી હતી.
ઉત્તરઝોનને એસ્ટેટ વિભાગ દ્વારા જયેશ ઉર્ફે જીગો સોલંકીને નોટીસ આપવામાં આવી હતી. તેમ છતાં પોતાનુ ગેરકાયદે મકાન નહી તોડતા ડીમોલીશનની કામગીરી હાથ ધરવામાં આવી હતી. બુટલેગર આ મકાનમાં ભોંયરૂ બનાવીને દારૂ છુપાવી વેચાણ કરતો હોવાની માહિતી પણ બહાર આવી હતી.
