મણિનગરમાં ફિઝિયોથેરાપિસ્ટ ડૉક્ટર સામે મહિલા દર્દીની દુષ્કર્મની ફરિયાદ

મહિલાને બેભાન નિર્વસ્ત્ર કરી ફોટા-વીડિયો ઉતારી બ્લેકમેઈલ કરી

ડૉક્ટરે મહિલા પાસેથી રૂ.4 લાખ અને દાગીના પડાવ્યા હતા

નારોલમાં ફિઝિયોથેરાપિસ્ટ ડૉક્ટર સામે એક મહિલા દર્દીએ ચક્કર આવતા હોઈ તેને ગ્લુકોઝની બોટલમાં ઘેનની દવાનું ઈન્જેકશન આપીને તેને બેભાન કરી નિર્વસ્ત્ર કરીને ફોટો તેમજ વીડીયો ઉતારી બ્લેકમેઈલ કરીને દુષ્કર્મ આચર્યાની ફરિયાદ નોંધાવી છે. આ ઉપરાંત મહિલાએ તેના ફોટો વીડીયો વાયરલ કરવાની ધમકી આપીને ડૉક્ટરે રૂપિયા 4 લાખ અને દાગીના પણ પડાવી લીધા હોવાનો આક્ષેપ ફરિયાદમાં કર્યો છે. પોલીસસૂત્રોમાંથી મળતી માહિતી અનુસાર નારોલ વિસ્તારમાં

રહેતી 35 વર્ષીય મહિલાને ડાયાબીટીસ અને ચામડીનો રોગ હોઈ ફિઝીયોથેરાપીસ્ટ ડૉક્ટર પાસે સારવાર માટે ગઈ હતી. શરૂઆતમાં સારી રીતે વર્તીને ડૉક્ટરે મહિલાની સાથે વાતચીત શરૂ કરતા મહિલાને તેની પર વિશ્વાસ બેસતા તેમની વચ્ચે મિત્રતા થઈ હતી. દરમિયાન ગત વર્ષે મે મહિનામાં મહિલા ડૉક્ટરની પાસે ગઈ હતી.

ત્યારે તેની તબિયત લથડી હતી અને અચાનક ચકકર આવતા હોવાનુ લાગતા ડૉક્ટરે તેને બાટલો ચડાવવાથી સારુંથઈ જશે તેમ કહ્યું હતુ. ત્યારબાદ ડૉક્ટરે મહિલાને સિરીંજ મારફતે ગ્લુકોઝની બોટલ ચડાવવાનુ કામ શરૂ કર્યું હતું અને મહિલાની જાણ બહાર ઘેનની દવાનું ઈન્જેકશન ગ્લુકોઝમાં મિકસ કરી દીધુ હતું. આ સ્થિતિમાં મહિલા બેભાન અવસ્થામાં જતી રહી હતી. જેનો લાભ લઈને ડૉક્ટરે મહિલાને નિર્વસ્ત્ર કરી તેના ફોટા પાડયા હતા અને વીડિયો ઉતારી લીધો હતો.

ડોક્ટરે મહિલાને આ ફોટા વીડિયો વાયરલ કરી દેવાની ધમકી આપીને મહિલાની સાથે શરીરસબંધ બાંધ્યો હતો. થોડા સમય પહેલા ડોક્ટરે મહિલાને ધમકી આપી તેની પાસેથી ટુકડે ટુકડે રૂ. 4 લાખ અને દાગીના પડાવી લીધા હતા. ડૉક્ટરના બ્લેકમેઈલિંગથી કંટાળી ગયેલી મહિલાએ આ અંગે ડૉક્ટર સામે દુષ્કર્મની ફરિયાદ નોંધાવી છે.

  • Related Posts

    સ્મશાનમાં 500 પરિવારને RTEની માહિતી અપાઈ

    સમાજને શિક્ષિત કરવા યુવાનોની પહેલ સમાજના બાળકોને શિક્ષિત કરવા અને મહિલાઓને મેડિકલ ઈમરજન્સી વેળા બ્લડની જરૂર પડે ત્યારે સમાજના યુવાનો તેમની પડખે ઉભા રહે તેવા આશયે પટણી સમાજના યુવાનોએ પહેલ…

    લાંભા વોર્ડમાં પાણી ભરાઈ રહેતાં મચ્છરોનો ઉપદ્રવ વધતાં બીમારીના કેસોમાં વધારો

    શહેરના લાંભા વોર્ડમાં નવાણા પંપિગ સ્ટેશન પાસે આવેલા બાગે કૌશરના ખુલ્લા મેદાનમાં છેલ્લા કેટલાય સમયથી વરસાદી પાણી ભરાયેલા રહે છે. જેના કારણે ગંદકી થતાં મચ્છરોનો ઉપદ્રવ વધતાં આસપાસના વિસ્તારમાં મચ્છરજન્ય…

    Leave a Reply

    Your email address will not be published. Required fields are marked *

    You Missed

    સ્મશાનમાં 500 પરિવારને RTEની માહિતી અપાઈ

    લાંભા વોર્ડમાં પાણી ભરાઈ રહેતાં મચ્છરોનો ઉપદ્રવ વધતાં બીમારીના કેસોમાં વધારો

    લાંભા વોર્ડમાં પાણી ભરાઈ રહેતાં મચ્છરોનો ઉપદ્રવ વધતાં બીમારીના કેસોમાં વધારો

    અમદાવાદ ગ્રામ્ય LCBએ ફેદરા ગામે જુગાર રમતા 5 ઝડપાયા

    અમરાઈવાડીમાં ફાઈનાન્સ કંપનીના કર્મી.એ રૂ. 1.18 લાખની ઠગાઈ કરી

    સરદારનગરમાં સિક્રેટ લોકર તોડી દાગીના-રોકડની ચોરી

    મણિનગરમાં સરનામું પૂછવાના બહાને મહિલાનું ચેઈન સ્નેચિંગ