swagat01285 બોટલો મળી કુલ રૂ. 77 હજારનો મુદ્દામાલ કબજે કર્યો
શહેરના દાણીલીમડા વિસ્તારમાં નશો કરવા માટે કફશીરપનુ વેચાણ કરતા એક યુવકની પોલીસે ધરપકડ કરીને તેની પાસેથી કફસીરપની 285 બોટલો કિંમત રૂપિયા 52 હજારની કબજે કરી હતી. આરોપીની પુછપરછમાં આ કફશીરપનો જથ્થો જુહાપુરાના એક શખ્સ સપ્લાય કર્યો હોવાનું ખુલતા પોલીસે તેની વિરુદ્ધ પણ ગુનો દાખલ કરી તેની ધરપકડ કરવા ચકો ગતિમાન કર્યા છે.
દાણીલીમડા પોલીસ સ્ટેશનના હેડ કોન્સ્ટેબલ બીપીનચંદ્ર ખુશાલદાસને બાતમી મળી હતી કે દાણીલીમડા ઢોરબજાર ચાર રસ્તા પાસે એક વ્યકિત કોડેઈન ફોસ્ફેટ ધરાવતી કફશીરપનું ગેરકાયદેસર નશા માટે વેચાણ કરી રહી છે. બાતમીના પગલે પોલીસ ઈન્સ્પેકટર જી જે રાવતના માર્ગદર્શન હેઠળ પોલીસટીમે વોચ ગોઠવીને બાકરઅલી ઈમદાદઅલી સૈયદ( રહે. સોદાગરની પોળ જમાલપુર)ની ધરપકડ કરી તેની પાસેથી નશાકારક કફશીરપની 285 બોટલ કિંમત રૂ.52,725 તથા એકટીવા મોટર સાયકલ મળી કુલરૂ. 77725 નો મુદ્દામાલ કબજે કર્યો હતો. પોલીસે આરોપીની પુછપરછ હાથ ધરતા તેણે એવી કબુલાત કરી િહતી કે આ કફશીરપનો કે આ કફશીરપનો જથ્થો તે જુહાપુરા અંબર ટાવર નજીક રહેતા નાવેદખાન પાસે લાવ્યો હતો. આ અંગે દાણીલીમડા પોલીસે એનડીપીએસ એકટ હેઠળ ગુનો દાખલ કરી નાવેદખાનની ધરપકડ કરવા ચક્રો ગતિમાન કર્યા છે.
