ગોમતીપુરમાં ઉછીના રૂપિયા આપવાનો ઈન્કાર કરતા યુવકને છરીના ઘા ઝીંક્યા

ઘરતરફજતારિક્ષાચાલક ને હુમલાખોરે રોકીને રૂપિયા માગ્યા

ગોમતીપુરમાં રીક્ષાચાલક યુવકે એક વ્યક્તિને હાથ ઉછીના રૂપિયા આપવાનો ઈન્કાર કરતા તેને ગડદાપાટુનો માર મારીને છરીથી હુમલો કરી માથાના ભાગે ઈજા પહોચાડી હતી. હુમલાખોરે યુવકને જાનથી મારી નાંખવાની ધમકી આપી હતી. આ અંગે યુવકે ગોમતીપુર પોલીસ સ્ટેશનમાં ફરિયાદ નોંધાવી છે.

ઓઢવમાં લક્ષ્મીનગર સોસાયટીમાં રહેતા મેહુલભાઈ પટણી (ઉ.28) ભાડાની ઓટોરીક્ષા ચલાવીને પરિવારનુ ગુજરાન ચલાવે છે. ગત તા 27મીના રાતના અઢી વાગ્યાના સુમારે મેહુલભાઈ પોટલીયા ચાર રસ્તાથી ઓઢવ તેમના ઘર તરફ જતા હતા. આ સમયે પ્રકાશ પેટ્રોલપંપ પાસે વિક્રમમીલ નજીક રાહુલ ઉર્ફે હોકો ઉફે બાદશાહે તેમને ઉભા રાખ્યા હતા અને હાથ ઉછીના રૂપિયા માંગ્યા હતા. જે આપવાનો ઈન્કાર કરતા રાહુલ ઉર્ફે હોકો ઉશ્કેરાયો હતો અને ગાળો બોલીને મારામારી શરૂ કરી હતી.

આ દરમિયાન તેણે પોતાની પેન્ટમાંથી છરી કાઢીને મેહુલભાઈ પર હુમલો કરવા જતા તેઓ નીચે વળી જતા માથાના પાછળના ભાગે એક ઘા ઝીંકી દીધો હતો અને જતા જતા જાનથી મારી નાંખવાની ધમકી આપી રાહુલ ઉર્ફે હોકો ચાલ્યો ગયો હતો.

ત્યારબાદ મેહુલભાઈએ જાતે 108માં ફોન કરીને એમ્બ્યુલન્સ બોલાવીને સિવિલ હોસ્પિટલમાં સારવાર લીધા બાદ આ અંગે રાહુલ ઉર્ફે હોકો સામે ગોમતીપુર પોલીસ સ્ટેશનમાં ફરિયાદ નોંધાવી છે.

  • Related Posts

    પહલગામ આતંકી હુમલાના શહીદોને શ્રદ્ધાંજલિ આપવા નરોડા અને કાલુપુરમાં વેપારીઓએ સ્વયંભૂ બંધ પાળ્યો

    પહલગામ આંતકી હુમલામાં 28 જેટલા નિર્દોષ નાગરિકોના મોત નિપજતાં દેશભરમાં તેના ઘેરા પ્રત્યાઘાત પડી રહ્યા છે. આ હુમલાના મૃતકોને શ્રદ્ધાંજલી આપવા માટે નરોડા વેપારી એસોસિએશન દ્વારા શનિવારે બંધ પાળવામાં આવ્યો…

    બાપુનગરમાં સ્ટ્રીટ લાઈટના થાંભલાથી કરંટ લાગવાનો ભય

    તંત્ર દ્વારા કામગીરી કરવામાં ગલ્લાંતલ્લાં કરાય છે શહેરના બાપુનગરમાં ગુજરાત હાઉસિંગ બોર્ડની વસાહતમાં છેલ્લા કેટલાય સમયથી સ્ટ્રીટ લાઈટો બંધ થતી હોવાની ફરિયાદો ઊઠી છે.તેમાં પણ એક લાઈટનો થાંભલો પડી ગયાને…

    Leave a Reply

    Your email address will not be published. Required fields are marked *

    You Missed

    પહલગામ આતંકી હુમલાના શહીદોને શ્રદ્ધાંજલિ આપવા નરોડા અને કાલુપુરમાં વેપારીઓએ સ્વયંભૂ બંધ પાળ્યો

    બાપુનગરમાં સ્ટ્રીટ લાઈટના થાંભલાથી કરંટ લાગવાનો ભય

    પત્ની, તેના પ્રેમી અને સાસરિયાંના ત્રાસથી કંટાળી યુવકે ગળાફાંસો ખાધો

    પૂર્વના વિવિધ વિસ્તારોમાં સ્ટ્રીટલાઈટો બંધ રહેતા અકસ્માત થતાં હોવાની ફરિયાદો ઉઠી

    દાણીલીમડામાં નકલી ડોક્ટર બની સારવાર કરતાં પિતા-પુત્રની નકલી હોસ્પિટલ પકડાઈ

    નારોલમાં પતિએ દહેજ માગી પત્નીને ઘરેથી કાઢી મૂકી