swagat01વેપારીના ઘરે જઈ બકવાસ કર્યાની ફરિયાદ
રામોલ હાથીજણ વોર્ડના ભાજય કોર્પોરેટર સિદ્ધાર્થ પરમાર સામે દારૂ પીધેલી હાલતમાં બફાટ કર્યાની ફરિયાદ વિવેકાનંદનગર પોલીસ સ્ટેશનમાં નોંધાઈ છે.
હાથીજણ વિવેકાનંદ નગરમાં રહેતા વેપારી અનિલકુમાર પટેલે નોંધાવેલી ફરિયાદ મુજબ ગત મંગળવારે તેઓ મણિનગર દવાખાનાનુ કામ પતાવીને ઘરે આવ્યા ત્યારે રાતના 12.20 વાગે તેમના મિત્રનો પુત્ર હર્શલ સેવક અને બ્રિજેશ પરમાર તેમના ઘર પાસે ઉભા હતા.આ લોકોએ તેમને જાણ કરી હતી કે તેમની ગેરહાજરીમાં મ્યુનિસિપલ કાઉન્સીલર સિદ્ધાર્થ પરમાર કેફી પીણું પીધેલી હાલતમાં આવ્યા હતા અને કહ્યુ હતુ કે ઉર્મિલભાઈ અને યશભાઈનો જે બનાવ બન્યો તો તમારા નેતાઓ કથા ગયા હતા બચાવવા આવ્યા નહીં તેમ કહીને અપશબ્દો બોલીને જાહેરમાં બકવાટ કર્યો હતો.
આ જાણ્યા બાદ અનિલકુમાર પટેલે પોલીસ કન્ટ્રોલરૂમમાં ફોન કરીને રામોલ હાથીજણ વોર્ડના ભાજપના કોર્પોરેટર સિદ્ધાર્થ પરમાર સામે ફરિયાદ કરી હતી. જેના પગલે વિવેકાનંદ નગર પોલીસની ટીમ દિનદયાલ નગર સીમાકોલોની પાસે સિદ્ધાર્થ પરમારના ઘર પાસે પહોંચી હતી. જયાં તેમને બોલાવીને તપાસ કરતા તેઓ જાહેરમાં લથડીયા ખાતા બકવાટ કરતા મળી આવ્યા હતા. આ અંગે વિવેકાનંદનગર પોલીસે કોર્પોરેટર સામે પ્રોહીબીશનનો ગુનો દાખલ કરી તેમની ધરપકડ કરી હતી.
