swagat01સ્ટાર્ટઅપ કંપનીના બે સંચાલક સામે ફરિયાદ
નરોડામાં રહેતા અરવિંદભાઈ પટેલ ઓઢવમાં ફેકટરી ધરાવી વેપાર કરે છે તેમની ફેકટરીમાં મેનેજર તરીકે કામ કરતી મહિલાની બહેનપણી સ્વીટીબેન મૌલિકભાઈ શાહ અવારનવાર ફેકટરી પર આવતા હતા. ઓકટોબર 2022માં સ્વીટીબેન અને પ્રતિકભાઈ શાહ મળવા આવ્યા હતા અને તેઓ કવીક સ્ટાર્ટ 24 ગ્રુપની એન લાઈફ કેપસ્યોર એલએલપી કંપની ધરાવતા હોવાનુ કહીને તેમની કંપની શેરબજાર, રીયલ એસ્ટેટ, ફોરેકસ ટ્રેડીંગ, ન્યુઝ ચેનલ, કેપીટલ ફાયનાન્સ ફિલ્મ મેકીંગ વગેરે બિઝનેસમાં નાણાં રોકતા હોવાનુ કહીને તેમને નાણાં રોકવા માટ કહ્યું હતુ.
જેનાથી આર્કપાઈને અરવિંદભાઈએ રૂ. 10 લાખ તેમના મેનેજર જાનવીબેન જોશીએ રૂ. 26 લાખ અને પ્રતિકભાઈની ઓફિસમાં કામ કરતા અજયભાઈ મદ્દાસીએ કંપનીમાં રોકાણ કર્યું હતુ. તા 18 જાન્યુઆરી, 2023થી 31 ઓકટોબર 2023 દરમિયાન ફઆ કંપનીએ માસિક 3 ટકા લેખે વળતર આપવાનુ કહીને રૂપિયા લીધા બાદ માસિક વળતર આપ્યા બાદ કંપનીમાં ઈડીની રેડ પડી હોવાનુ બહાનુ કર્યું હતુ. બાદમાં કંપનીના સંચાલકોએ રૂપિયા પાછા નહી આપતા અંતે અરવિંદભાઈએ આ મામલે ઓઢવ પોલીસ સ્ટેશનમાં સ્વીટીબેન શાહ અને પ્રતિકભાઈ શાહ સામે છેતરપીડીની ફરિયાદ નોંધાવી છે.
