અમરાઈવાડીમાં સ્કૂલની વિદ્યાર્થિની સાથે સિકયુરિટી ગાર્ડે છેડછાડ કરી

આરોપી સગીરાને ધમકી આપીને નાસી છૂટયો

અમરાઈવાડીની એક સરકારી શાળામાં અભ્યાસ કરતી સગીરા બાથરૂમમાં ગઈ ત્યારે શાળાના સિકયુરીટી ગાર્ડે તેની સાથે શારિરીક અડપલાં કર્યા હતા આ સમયે સગીરાએ બૂમાબૂમ કરતા ગાર્ડે તેને ધમકી આપીને નાસી છુટયો હતો. આ અંગે સગીરાની માતાએ અમરાઈવાડી પોલીસ સ્ટેશનમાં સિકયુરીટી ગાર્ડ સામે ફરિયાદ નોંધાવતા પોલીસે આરોપીની ધરપકડ કરવા ચક્રો ગતિમાન કર્યા છે.

આ અંગેની વિગત એવી છે કે અમરાઈવાડી વિસ્તારમાં રહેતા મધ્યમવર્ગના પરિવારમાં દંપતિ અને ત્રણ સંતાનો પૈકી એક દિકરી ધોરણ 7માં ઘર નજીક આવેલી સરકારી શાળામાં અભ્યાસકરે છે. ગત શનિવારે માતા જયારે દિકરીને લેવા માટે શાળાએ ગઈ ત્યારે દિકરી ખૂબ જ ગભરાયેલી હતી. માતાએ તેને પુછપરછ કરતા સગીરાએ રડતા રડતા જણાવ્યુ હતુ કે તે જયારે બાથરૂમમાં શૌચક્રિયા માટે ગઈ ત્યારે શાળાનો સિક્યુરીટી ગાર્ડ ભરત ચૌહાણ ત્યાં આવી ગયો હતોઅને તેને બાથમાં ભરીને શારિરીક અડપલાં કરવા લાગ્યો હતો. આ સમયે સગીરાએ બૂમાબૂમ કરતા ગાર્ડે તેને બદનામ કરી દેવાની ધમકી આપીને નાસી છુટયો હતો. આ અંગે મહિલાએ તેના પતિને વાત કરતા અંતે આ મામલે અમરાઈવાડી પોલીસ સ્ટેશનમાં ભરત ચૌહાણ સામે ફરિયાદ નોંધાવતા પોલીસે આરોપી સામે પોકસો હેઠળ ગુનો દાખલ કરી આરોપીની શોધખોળ આદરી છે.

  • Related Posts

    યુવક પર તીક્ષ્ણ હથિયારનો ઘા ઝીંકી કાન કાપી નાખ્યો

    બે લોકો સામે ગોમતીપુર પોલીસમાં ફરિયાદ ગોમતીપુરમાં બે સગાભાઈઓએ મારા વિશે ખોટી વાતો કેમ કરે છે કહીને એક યુવકના કાન ઉપર તીક્ષ્ણ હથિયારના ઘા ઝીંકી દેતા યુવકનો કાન કપાઈ ગયો…

    મકરબામાં આવેલી એક કેન્ટિનમાં તોડફોડ કરી બે યુવકોએ આગ ચાંપી

    બેઝબોલની સ્ટિક અને જવલનશીલ પ્રવાહી ભરેલો કેરબો લાવ્યા હતા બંનેએ મોઢા ઉપર રૂમાલ બાંધ્યો હતો અને ટોપી ઊંધી પહેરી હતી સરખેજ મકરબા રોડ ઉપર આવેલી કિચન કિંગ હોસ્પિટાલિટી નામની કેન્ટીનમાં…

    Leave a Reply

    Your email address will not be published. Required fields are marked *

    You Missed

    યુવક પર તીક્ષ્ણ હથિયારનો ઘા ઝીંકી કાન કાપી નાખ્યો

    મકરબામાં આવેલી એક કેન્ટિનમાં તોડફોડ કરી બે યુવકોએ આગ ચાંપી

    મધ્ય અને ઉત્તર ઝોનમાં ગંદકી કરવા બદલ 2.70 લાખ રૂપિયાનો દંડ કરાયો

    જશોદાનગરમાંથી 105 કિલો બનાવટી ઘી પકડાયું કુંભમાં પાપ ધોવા ગયેલા સપ્લાયરના ગોડાઉન સીલ

    નારોલમાં હાથઉછીનાં નાણાં પરત માંગનારા યુવક પર પાઈપથી હુમલો

    વટવામાં મ્યુનિ.ની ટીમ સાથે માથાકૂટ કરીને 4 લોકો ગાયને છોડાવીને ફરાર