swagat01ભોપાલમાં એઈમ્સમાં નર્સીગં ઓફિસર તરીકે ફરજ બજાવતી યુવતી રેલવે વિભાગની નર્સીગંની પરીક્ષા આપવા માટે અમદાવાદ આવી હતી. પરીક્ષા આપ્યા બાદ યુવતી તેની બહેનપણી સહિત ત્રણ વ્યકિત ભૂખ લાગતા નાસ્તો કરવા માટે રોકાયા ત્યારે કારનો કાચ તોડીને નસર્સીંગ ઓફિસર યુવતીનુ રોકડ અને દસ્તાવેજ ભરેલુ પર્સ કોઈ ચોરી ગયુ હતુ. આ અંગે નિકોલ પોલીસે ગુનો દાખલ કરીને તપાસ હાથ ધરી છે.
ભોપાલ એઈમ્સમાં નર્સીગ ઓફિસર તરીકે ફરજ બજાવતા હંસાબેન કટારા અમદાવાદમાં રેલવેની નર્સીગની પરીક્ષા હોઈ રજા મુકીને થલતેજમાં રહેતા તેમની બહેનના ઘરે આવ્યા હતા. પરીક્ષા પૂરી થયા બાદ તેમને ભોપાલ પરત જવાનુ હોઈ તેમની બહેનપણી તેનો પતિ ગાડી લઈને યુ યુવતીને સીટીએમ મુકવા જતા હતા. આ દરમિયાન તમામને ભૂખ લાગતા નાસ્તો કરવા માટે નિકોલમાં જન સેવા કેન્દ્ર પાસે ગાડી પાર્ક કરીને રેસ્ટોરન્ટમાં જમવા માટે ગયા હતા. બાદમાં જયારે ત્રણે લોકો નાસ્તો કરીને રેસ્ટોરંટની બહાર આવ્યા ત્યારે જોયું તો ગાડીની પાછળની સીટનો ડાબી બાજુનો કાચ ફૂટેલો હતો. અને ગાડીમાં રહેલુ નર્સિંગ ઓફિસર યુવતીનું દસ્તાવેજ અને રોકડા રૂપિયાથી ભરેલું પર્સ ચોરાઈ ગયુ હતુ.
