swagat01વિદ્યાર્થીના પિતાને પુત્રના અપહરણની આશંકા
નિકોલ વિસ્તારમાં રહેતો વિદ્યાર્થી ઘરેથી ટયુશન કલાસમાં એકસ્ટ્રા કલાસીસમાં જવાનું કહીને નીકળ્યા બાદ કયાંક ગુમ થઈ ગયો હતો. આ અંગે નિકોલ પોલીસે વિદ્યાર્થીના શંકાસ્પદ અપહરણનો ગુનો દાખલ કરી શોધખોળ આદરી છે.
નિકોલમાં રહેતા મૂળ બિહારના વતની રાજુભાઈ મહતોને સંતાનમાં ત્રણ બાળકો છે જેમાં સૌથી મોટો દિકરો રોશન (ઉ.13 વર્ષ 11 મહિના) ધોરણ 9 માં અભ્યાસ કરે છે. રોશન નિકોલમાં મુક્તિધામ એસ્ટેટખાતે આવેલા સૂર્યમ ઔરા ફલેટના પહેલામાળે આવેલા ઈન્ફ્રા ટયુશન કલાસમાં ટયુશન માટે જાય છે. બન્યું એવું કે ગત તા 27 એપ્રિલથી રાજુભાઈ કેન લઈને બનાસકાંઠાના એઠા રામપુર ગામે કામ કરવા માટે ગયા હતા. ગત પહેલી મે ના રોજ સાંજે તેમની પત્નીએ ફોન કરીને જાણ કરી હતી કે, રોશન સાંજના પાંચ વાગે ટયુશન કલાસીસમાં ગયો હતો અને પાછો આવીને છ વાગે મારે એકસ્ટ્રા કલાસીસ છે જેથી હું જાઉ છું તેમ કહીને ઘરેથી ગયા બાદ રોશન ઘરે પાછો ફર્યો નથી.
આ અંગે રાજુભાઈએ તેમના સગાસબંધીઓ અને અન્ય સ્થળે તપાસ કરતા ક્યાંક રોશનનો પત્તો મળ્યો નહતો. અંતે આ મામલે રાજુભાઈએ નિકોલ પોલીસ સ્ટેશનમાં તેમના દીકરાના અપહરણ થયાની આશંકા સાથે ફરિયાદ નોંધાવી છે.
