શાહીબાગમાં કેન્સરગ્રસ્ત પુત્રના ઇલાજ માટે પૈસા ન મળતાં માતાએ દવા પીધી

પતિ અને સાસરિયાં સહિત ચાર સામે પોલીસ ફરિયાદ નોંધાઇ

શાહીબાગમાં રહેતી પરિણીતાએ કેન્સરની બિમારીથી પીડાતા દિકરાની સારવાર માટે પતિ પાસે પૈસા માંગતા પતિ સાસુ તથા જેઠજેઠાણીએ ઝઘડો કરીને મૂઢમાર મારતા મનમાં લાગી આવતા પરિણીતાએ ફિનાઈલ પી લઈ આત્મહત્યા કરવાનો પ્રયાસ કર્યો હતો. આ અંગે પરિણીતાએ શાહીબાગ પોલીસમાં પતિ સહિત ચાર સામે ફરિયાદ નોંધાવી છે.

શાહીબાગમાં રહેતા સોનાબેન પટણીના લગ્ન 2018માં હરિશભાઈ સાથે થયા હતા. તેમને સંતાનમાં એક પુત્ર અને પુત્રી છે. લગ્ન બાદ થોડાસમય બાદ તેમને પતિ સાસુ અને જેઠે માર મારી પિયર મોકલી દીધા હતા.

તે સમયે પુત્ર પેટમાં હતો.ત્યારબાદ સમજાવટ કરીને તેમને પાછા તેડી ગયા હતા જોકે દસ દિવસબાદ બ્લીડીંગ થતા સારવાર નહી કરાવતા સોનાબેનને તેમની માતા પિયર લઈ ગયા હતા. ત્યારબાદ તેઓ ચાર વર્ષ સુધી પિયરમાં રહ્યા હતા. સાસરીયા તેડી જતા નહતા.દરમિયાન પુત્રને ડાબા પગના થાપાના ભાગે ગાંઠ થતા નિદાન કરાવતા કેન્સર હોવાનું જણાયુ હતુ. તેની જાણ પતિ અને સાસરીયાને કરતા તેમણે સરખો જવાબ આપ્યો નહતો. આ તરફ પુત્રનું ઓપરેશન કરાવતા ઈન્ફેકશન થતા બીજુ ઓપરેશન કરાવવુ પડયુ હતુ જેની સારવારનો ખર્ચ સાસરીયાએ આપ્યો નહતો. એક વર્ષ પહેલા સોનાબેને ઘરેલુ હિંસા અંગે કોર્ટમાં ફરિયાદ કરી હતી જે કેસ હાલમાં ચાલુ છે.

દરમિયાન ગત શનિવારે સોનાબેને તેમના પતિ અને સાસુને પુત્રની કેન્સરની સારવાર કરાવવા માટે પૈસા માંગતા તેમને પતિ સાસુ અને જેઠજેઠાણીએ ઉશ્કેરાઈને ઝઘડો કરીને મૂઢમાર મારતા મનમાં લાગી આવતા સોનાબેને ફેરીવાળા પાસેથી ફિનાઈલની બોટલ લઈને તેમાંથી થોડુ ફિનાઈલ પી જતા તેમની તબિયત લથડતા સિવિલ હોસ્પિટલમાં દાખલ કરવામાં આવ્યા હતા. આ મામલે સોનાબેને શાહીબાગ પોલીસ સ્ટેશનમાં પતિ હરિશભાઈ કિશનભાઈ પટણી. સાસુ કોકિલાબેન, જેઠ સાવનભાઈ અને જેઠાણી ભાવનાબેન ઉર્ફે ટીનાબેન સામે ફરિયાદ નોંધાવી છે.

  • Related Posts

    કલેક્ટર કચેરીએ 114 કેસમાં લોકોને 10 કરોડ અપાવ્યા

    2023-24માં ગ્રેજ્યુઇટી, લેબર કોર્ટ સહિતના કેસો પર સુનાવણી થઈ હતી અમદાવાદ કલેકટર કચેરી ખાતે વર્ષ 2023 અને 24માં લેબર કોર્ટના કેસ, ગ્રેજચ્યુટી સહિતના કેસોની સુનાવણી હાથ ધરવામાં આવે છે. જેમાં…

    દિલ્હી દરવાજા પાસે કારચાલકે ટક્કર મારતા સફાઈ કર્મચારી મહિલાનું મોત

    પોલીસે નિકોલમાં રહેતા 25 વર્ષના આરોપીની ધરપકડ કરી દિલ્હી દરવાજા પાસે શનિવારે વહેલી સવારે પોણા સાત વાગ્યાના સુમારે 49 વર્ષીય સફાઈ કર્મી મહિલા ડાહીબેન પ્રહલાદભાઈ ચૌહાણ નિત્યક્રમ મુજબ મસ્ટરમાં સહી…

    Leave a Reply

    Your email address will not be published. Required fields are marked *

    You Missed

    કલેક્ટર કચેરીએ 114 કેસમાં લોકોને 10 કરોડ અપાવ્યા

    દિલ્હી દરવાજા પાસે કારચાલકે ટક્કર મારતા સફાઈ કર્મચારી મહિલાનું મોત

    નારોલ સર્કલ પાસે મોડી સાંજે વરસાદ બાદ ટ્રાફિકજામ થતા હજારો વાહનચાલકો ફસાયા

    નારોલ સર્કલ પાસે મોડી સાંજે વરસાદ બાદ ટ્રાફિકજામ થતા હજારો વાહનચાલકો ફસાયા

    ભાઈપુરા-હાટકેશ્વર વોર્ડમાં 200 મીટરનો રોડ બેસી જતાં 3 ભૂવા પડ્યા, આખો રોડ બેસી જવાનો ભય

    નવાણા પંપિંગનાં પંપો ચાલુ નહીં કરાતા વટવા, લાંભા વોર્ડના 7000 મકાનોમાં ગટર બેક મારે છે

    વટવાની કંપનીના એકાઉન્ટન્ટે 3 કરોડની ઉચાપત કરી